Thursday, February 7, 2008

Sa Isang Tasang Kape

Pebrero 08 2008
Biyernes
Quirino, TAFT ave.
Makulimlim


Alaala na lamang siguro ang maiiwan mo kapag ikaw ay pumanaw na, Lahat ng mababasa ninyo sa likhang ito ay batay sa karanasan na isang tasang kape.

Para kay tom, nakuha nya to sa pangalan ng isang miyembro ng banda pero mas madalas na tawagin siyang "chom" mas kilala ko siya sa pangalang "CHOM". Tanda ko pa noon di siya mahilig sa kape hindi man lamang siya nagtimpla ng kape ang sabi niya mahirap pagsabayin ang sigarilyo at kape pareho raw masakit sa dibdib pero sige i-try nya raw mag-kape isang tasang kape ang huling nilaman niya sa kanyang sikmura, at pagkatapos noon matagal na hindi ko siya nakita.

Sabi ko baka may iba na siyang ginagawa, o baka` malayong malayo na siya. maari ring hindi pa kami magkita sa ngayon.

Naglalakad ako sa kahabaan ng taft avenue, nakita ko si "chom" naglalakd ganun pa rin ang gupit ng kanyang buhok, ganun pa rin ang anyo ng kanyang pananamit, walang nagbago maliban sa isang bagay, Umiinom na raw siya ng kape.......................

Hindi ko alam kung ako ang nagturo sa kanyang uminom ng kape bago ko pa man angkinin ang kredito sinabi niya na kape lang kasi ang pinakamabilis na magagawa mo at siyempre yun lang din ang hindi mawawala sa tinutuluyan niya kaya kapag walang wala nagkakape na lamang siya.

Di ko na tinangkang kuhanin ang cellphone number nya........


Taon din ang binilang ng may narinig akong balita sa kanya
Isang kainan na malapit sa tinutuluyan ko nuon ang nabalita ng mga tao sa paligid
May mga tao daw na nagka-komosyon doon
May mga Armadong sibilyan
May mga dinukot daw na kalalakihan
Siniguro ito ng ilang pagiimbestiga ng aming grupo
KASAMA raw si CHOM,

Maraming Taon na ang lumipas,
Siguro naririyan pa rin ang tasa ng kanyang kape subalit,,,,,, wala na si chom
Wala na siya,, wala ng katiyakan kung nasasaan siya, hindi sigurado na buhay pa siya
Ano kaya ang dinanas ni chom.

Ngunit isang bagay ang tiyak ako
Halimaw ang dumukot sa kanya
Maraming maraming Halimaw
Dahil Hanggang sa ngayon Wala pa rin si Chom........

Malamig na pala ang kape ko, Palagi kong naiiwan ang aking kape kaya kapag lumalamig na ito pinapalitan ko ng bago, Nagtitimpla muli ako ng isang tasang kape , Mainit, mabango, dahil sa bagong tasa ng kape madarama mo ang pagasang ipapayapa ka ng init at aroma nito meron kang dahilan upang ipagpatuloy ang paghigop ng kape,Dahilan upang muli mong isipin na magkepe muli sa sususnod....

DAHILAN UPANG NI KO MALIMOT SI CHOM
Dahilang tandang tanda ko ang kanyang mga sinabi sa akin
Maaring wala na siya
Ngunit naririto pa naman ang iba..